24 янв 13:27
Янгиликлар

Бокс/ММА

UFC президенти: Хабиб менга шундай деди: "Дана, менинг даражам бу йигитларникидан анча баланд"

UFC президенти Дана Уайт бугунги жанглардан сўнг енгил вазнда юзага келган ҳолат, Хабиб Нурмагомедовга тегишли чемпионлик камарининг кейинги тақдири ҳақида гапирди.

Аввалроқ, Хабиб бугунги жангларни томоша қилиши ва шунга қараб ўз фикрини билдиришини айтган эди.

"Хабиб менга шундай деди: "Дана, ўзинг ҳам тан ол, менинг даражам бу йигитларникидан анча баланд. Мен уларнинг ҳар иккисини ҳам мағлуб этганман. Билмадим, Конор бугунги мағлубиятидан кейин нима дер экан? Кўрамиз.

Мен Хабибни битта жанг учун қайтаришга уриниб кўрдим. Лекин бугунги гапларидан кейин унинг қайтишига умид қилмаса ҳам бўлади. Тез орада бу масалани ҳал қиламиз", - деди Уайт.

Катта эҳтимол билан Хабибга тегишли бўлиб турган чемпионлик камари учун бугун ғалаба қозонган Дастин Порье ва Майкл Чендлер ўзаро жангда октагонга кўтарилади.