24 окт 11:25
Янгиликлар

Бокс/ММА

UFC президенти Хамзат Чимаевнинг рақибини эълон қилди

UFC президенти Дэна Уайт йил кашфиётига айланган швециялик Хамзат Чимаевнинг навбатдаги рақибини маълум қилди.

Асли келиб чиқиши чеченистонлик бўлган Чимаев Леон Эдвардсга қарши октагонга кўтарилади. Хамзат ва Леон ўзаро жанг бўйича келишиб ҳам олишди. Тез кунда жанг санаси эълон қилинади. Жанг манзили катта эҳтимол билан Лас-Вегас бўлади.

"Бизда келишув бор: Хамзат Чимаев — Леон Эдвардс. Улар ўзаро жанг қилишади. Бу ажойиб оқшом бўлади. Хамзат Твиттер саҳифасида "вызов" ташлашни бас қилса ҳам бўлади. Энди унда рақиб бор", — дея Уайтнинг сўзларини келтирмоқда MMA Fighting.

Аввалроқ Хамзат Чимаевнинг 19 декабрь кунги UFC оқшомининг марказий жангида октгонга чиқиши айтилганди.