UFC раҳбари Ислам Махачев билан унинг жанг санасини келишиб олишди

Кеча Хабиб Нурмагомедов Малайзиядаги матбуот анжуманида вазн тоифасидан қатъи назар дунёнинг энг кучли жангчиси Ислам Махачевнинг жароҳатидан фориғ бўлаётгани, январь ойидаги UFC турнирига тайёр бўлишини айтган эди. 

UFC раҳбари Дана Уайтнинг айтишича, Ислам Махачев чемпионлик ҳимоя жангини аввал эълон қилинганидек, мажбурий даъвогар Арман Царукянга қарши ўтказади. Ушбу жанг 2025 йил январь ойидаги UFC`нинг рақамланган турнири доирасида бўлиб ўтади.   

Эслатиб ўтамиз, шу йилнинг июнь ойида Махачев учинчи чемпионлик ҳимоя жангини муваффақиятли тарзда ўтказиб олганди. У бешинчи раундда Дастин Порьени бўғиш усули эвазига мағлубиятга учратганди. Ўша жангда Ислам қўлини жароҳатлаб олганди. Бунинг натижасида унинг 26 октябрь куни Абу-Даби шаҳрида ташкил этиладиган UFC 308 турнирига режалаштирилган жанги бекор бўлганди.