UFC рейтинги. Туиваса бир поғона пастлади, Перейра эса...

Сириль Ганга мағлуб бўлганидан сўнг Туиваса оғир вазн рейтингида бир поғона пастлади. Ҳозирда у тўртинчи эгаллаб турибди. Мағлубиятдан олдин у рейтингда учинчи ўринни банд қилганди. Унинг ўрнини америкалик Кёртис Блэйдс эгаллади.

Ўрта вазнда UFC чемпионлигига даъвогар Алекс Перейра бир поғона юқорилади ва рейтингда тўртинчи ўринга кўтарилиб олди. Марвин Веттори эса бироз пастлади. Хозирда у ўрта вазн рейтингида учинчи ўринда бормоқда.

Эслатиб ўтамиз, Туйваса ва Веттори Парижда бўлиб ўтган UFC Fight Night турнирида иштирок этишди. Таи учинчи раундда Сириль Ганга техник нокаут эвазига мағлуб бўлди, Марвин эса тўлиқ давом этган жангда Роберт Уиттакерга имкониятни бой берди.

Алекс Перейра сўнги жангида Шон Стриклендни нокаутга учратган эди.