UFC рейтинги янгиланди. Рамазон Темиров ва Богдан Гусковнинг вазнларида ўзгаришлар бор

Хабарингиз бор, Лиганинг иккита вазн тоифасида ўзбекистонлик аралаш яккакураш усталари — Рамазон Темиров (57 кг) ва Богдан Гусков (93 кг) ҳам рейтингдан ўрин олган.

Янгиланган рейтингда Темировнинг дивизионида 11-ўриндаги россиялик Тагир Уланбеков бир поғона кўтарилди, 10-ўриндаги америкалик Тим Эллиот эса аксинча, Тагир билан жой алмашди. Ўтган ҳафтада рейтингга янги қўшилиб, 15-поғонага жойлаштирилган Мьянма вакили Жошуа Ван эса бу ҳафта 14-ўринга кўтарилди. 

Япония шарафини ҳимоя қилувчи Кай Асакура илк бор рейтингга киритилди ва 15-ўринда қайд этилди. Ҳамюртимиз Рамазон Темировнинг жойи ўзгаришсиз қолди - 13-ўрин!

Яримоғир вазн тоифасида эса Ян Блаховичдан устун келган америкалик Карлос Ульберг уч поғона кўтарилиб, 3-ўринга жойлашди. Польша вакили эса икки поғона пастлаган ҳолда бешинчи ўриндан жой эгаллади. Бу ўриндаги сербиялик Александр Ракич ҳам бир ўрин қуйига тушди. Гусков ҳам Темиров сингари 13-ўринда ўзгаришсиз қолди.