08 апр 12:20
Янгиликлар

Бокс/ММА

UFC Сингапурда турнирлар ўтказади

Теглар : UFC

UFC промоушени Сингапурда ўта eнгил, энг енгил, ўрта енгил ва енгил вазн тоифаларида турнирлар ўтказишни режалаштирмоқда.

Уларда осиёлик жангчилар иштирок этади. Бу ҳақда журналист Жон Хён Ко ижтимоий тармоқларида хабар бермоқда.

11 июнь куни Сингапурда UFC 275 турнири бўлиб ўтади. Оқшомнинг асосий воқеаси яримоғир вазн тоифаси чемпиони Гловер Тейшейра ҳамда даъвогар Иржи Прохазка ўртасидаги жанг бўлади.

Эслатиб ўтамиз, Гловер Тейшейра 2021 йилнинг 30 октябрь куни UFC 267 турнирида чемпионлик унвонини қўлга киритганди. У иккинчи раундда Ян Блаховични бўғиш усули билан мағлуб этиб, промоушеннинг энг кекса чемпионига айланганди.

Бундан ташқари, енгил вазн тоифасида UFC чемпиони Валентина Шевченко бразилиялик Таила Сантосга қарши жангда чемпионлик унвонини ҳимоя қилади. Шунингдек, австралиялик жангчи Роберт Уиттакер ва италиялик Марвин Веттори ҳам турнирда тўқнаш келишади.

Ҳавола :

Манба : championat.com

Рейтинг: