13 окт 10:38
Янгиликлар

Спорт курашлари, Бокс/ММА

UFC собиқ чемпиони Пенья RAF лигасида дебют қилади + ПОСТЕР

UFC`нинг енгил вазн тоифасидаги собиқ чемпиони Жулианна Пенья 14 ноябрь куни Абу-Дабида бўлиб ўтадиган турнирда профессионал кураш лигаси – RAF`да дебют қилади.

Америкалик спортчининг рақибаси россиялик Диана Авсарагова бўлади. Ташкилот матбуот хизмати аёллар ўртасидаги ушбу жангни расман эълон қилди.

Ўтган йилнинг октябрь ойида 37 ёшли Жулианна Пенья лигада шарҳловчи сифатида дебют қилган эди, энди эса унинг ўзи кураш гиламига чиқади. Америкалик спортчи ўзининг охирги жангини ўтган йилнинг июнь ойида ўтказиб, чемпионлик жангида Кайла Харрисоннга иккинчи раундда кимура (оғриқли усул) эвазига имкониятни бой берганди. 2021 йилнинг декабрь ойида Пенья аралаш яккакурашлар тарихи бўйича энг катта сенсациялардан бирига муаллифлик қилиб, Аманда Нуньесни иккинчи раундда бўғиш усули билан таслим этганди.

Диана Авсарагова ўтган ой лигадаги дебютини муваффақиятсиз ўтказиб, Майамидаги RAF 13 турнирида RAF`нинг ўрта вазндаги чемпиони Кеннеди Блейждсга техник устунлик эвазига ютқазиб қўйганди. 28 ёшли россиялик спортчи ММА`даги сўнгги жангини ўтган йилнинг апрель ойида ўтказиб, бразилиялик Элора Данага биринчи раундда бўйинни бўғиш (ушлаш) усули билан имкониятни бой берганди.