21 июл 14:01
Янгиликлар

Бокс/ММА

UFC собиқ жангчисини нокаутга учратган Жаҳонгир Жумаевнинг навбатдаги рақиби ва жанг санаси эълон қилинди (ПОСТЕР)

11 август куни Қирғизистоннинг Ўш шаҳрида ММА бўйича Open FC 45 турнири ташкил этилади.

Аҳамиятлиси, мусобақанинг марказий жангида ҳамюртимиз Жаҳонгир Жумаев октагонга кўтарилади. Ярим ўрта вазн тоифасидаги Гран-при финали чемпионлик жангида Жумаевга қирғизистонлик Нуржигит Акунов рақиблик қилади.

Маълумот учун, Жаҳонгир Жумаев фаолияти давомида 15 та жанг ўтказиб, 11 та ғалабага эришган ва 4 та мағлубиятни қабул қилиб олган. У сўнгги жангини UFC собиқ аъзоси Андре Фиальога қарши ўтказиб, биринчи раунддаёқ нокаут орқали ғалаба қозонган.

Унинг рақиби Нуржигит Акунов эса ҳозирга қадар 4 та жанг ўтказиб, уларнинг барчасида зафар қучган.