08 дек 16:03
Янгиликлар
Бокс/ММА
UFC Тагир Уланбековнинг кейинги рақиби ва жанг санасини эълон қилди
Ўта енгил вазн тоифасида россиялик аралаш яккакураш устаси Тагир Уланбековнинг кейинги жанги тафсилотлари маълум бўлди.
33 ёшли спортчи 2025 йилнинг 18 январь куни Лос-Анжелес (АҚШ) шаҳрида ўтказиладиган UFC 311 турнири доирасида октагонга кўтарилади. Ўша куни Уланбековга АҚШ вакили Клейтон Карпентер рақиб бўлади.
Оқшомнинг марказий жанги енгил вазн чемпиони, Уланбековнинг жамоадоши Ислам Махачев ва Арман Царукян ўртасида кечади. Бундан ташқари, ўзбекистонлик аралаш яккакураш устаси Богдан Гусков ҳам айнан UFC 311 турнирида жанг қилади.
Маълумот учун, Тагир Уланбеков фаолияти давомида 17 та жанг ўтказиб, 15 ғалаба ва 2 мағлубият қайд этган. Клейтон Карпентер ҳисобида эса 8 та ғалаба бор.
Ҳавола :
Манба : ufc.com
Фикрлар