07 сен 18:21
Янгиликлар

Бокс/ММА

UFC ташкилотидан ҳайдалган Брайан Баттл PFL билан шартнома имзолади

Брайан Баттл икки ҳафта аввал Нурсултон Рўзибоевга қарши октагонга чиқиши керак эди, аммо вазн қила олмагани учун ҳамюртимизни жангсиз қолдирганди.

Вазн қила олмаслик Баттл учун янгилик эмас. У Нурсултон билан жангга қадар ҳам бир неча бор вазн қила олмаганди. Айнан шу сабаб билан Габриэль Грин ва Рэнди Браун жангсиз қолишганди. Унинг Нурсултон Рўзибоевга қарши жанги Чикагодаги UFC 319 турнири кардидан ўрин олганди.

Ўша турнирдан кейин Брайан UFC промоушенидан ҳайдалди. Лекин 30 ёшли Брайан Баттл ўзини исботлаш учун зудлик билан октагонга қайтди. У 29 август куни Dirty Boxing 3 турнири доирасида нафақат вазн меъёрини бажарди, балки 56 сонияда Дерик де Фрейтасни нокаутга учратди.

Куни кеча Баттл PFL промоушени билан шартнома имзолади. Унинг янги Лигадаги илк жанги ҳақида ҳозирча маълумот йўқ.