UFC Умар Нурмагомедовга кутилмаган рақиб беряпти

Жуда катта эҳтимол билан у америкалик Кори Сэндхагенга қарши октагонга кўтарилади. Ҳозирда Кори двизион рейтингида 4-ўринни эгаллаб турибди. Бу ҳақда таниқли шарҳловчи Ариэль Хельвани яқин манбаларга таянган ҳолда хабар берди. 

Бир неча кун олдин Умар Нурмагомедовнинг ўзи ҳам ташкилотдан янги жанг олганини хабар берганди. Кейинроқ бу маълумотни Хабиб Нурмагомедов ҳам тасдиқлаб, қариндоши марказий жангда октагонга чиқишини қўшимча қилган эди. 

Айни пайтда 27 ёшли Умар Нурмагомедов UFC промоушенида 4 та ғалабали серия билан келяпти. Сўнгги жангида рейтингнинг 11-поғонасида бораётган Раони Барселосни биринчи раунднинг ўзида мағлубиятга учратганди. 

31 ёшли Кори Сэндхаген эса охирги иккита жангида зафар қучган. Аввалига Сонг Ядонгни техник нокаутга учратган, кейин эса Марлон Верадан очколар ҳисобига кўра устун келган. Ундан аввал эса Ти Жей Диллашоу ва Петр Янга ютқазиб қўйган эди.