29 ноя 11:54
Янгиликлар

Бокс/ММА

UFC Vegas 15 турнирининг марказий жанги икки ярим дақиқа давом этди

АҚШнинг Невада штати Лас-Вегас шаҳрида навбатдаги UFC турнири бўлиб ўтди.

Оқшомнинг марказий жангида америкалик Энтони Смит (34-16 MMA, 9-6 UFC) Девин Кларк (12-5 MMA, 6-5 UFC)ка қарши октагонга кўтарилди. Жанг биринчи раунддаёқ якунига етди. Смит жангнинг 2-дақиқа 34-сонияси ўтиб бораётган бир паллада рақибини бўғиш усули билан мағлубиятга учратди.

Аслида UFC Fight Night 184 турнирининг марказий жангида оғир вазн тоифаси вакиллари - Кёртис Блэйдс ва Деррик Льюис ўзаро тўқнаш келишлари керак эди. Лекин Кёртисда коронавирус аниқлангани боис, жанг бекор қилинганди.

Маълумот учун, бугун Смит фаолиятидаги 34-ғалабасини қўлга киритди. Кларк эса бешинчи мағлубиятини қабул қилиб олди.