UFC Vegas 44. Анголалик қозоғистонлик жангчини нокаутга учратди

Бироз аввал анголалик Манель Капе ҳамда қозоғистонлик Жалгас Жумагулов ўртасидаги жанг кутилмаган натижа билан якунланди. Капе рақибини техник нокаутга учратди. Бу африкалик учун UFC промоушенидаги иккинчи ғалаба бўлди. 

Жумагулов эса лигадаги учинчи мағлубиятини қабул қилиб олди. Ҳисобида битта ғалаба бор. Жалгас UFC билан 4 та жанг учун шартнома имзолаган эди. Бугунги мағлубиятдан кейин ташкилот у билан келишувни узайтирмаса керак. 

Эслатиб ўтамиз, оқшомнинг марказий жангида собиқ UFC чемпиони Жозе Альдо яна бир тажрибали рақиб Роб Фонтга қарши октагонга кўтарилади. Альдо тарози маросимида рақибидан оғирроқ чиққанди.

Асосий кард:

Жозе Альдо — Роб Фонт;

Рафаэль Физиев — Брэд Риддел;

Клэй Гуида – Леонардо Сантос;

Жим Крут – Жамал Хилл;

Брендан Аллен – Крис Кёртис.