UFC Vegas 89 бонус соҳиблари маълум. Қўли тишланган жангчи ҳам улуш олди

Ташкилотчилар 50 000 долларлик ана шу бонус соҳибларини эълон қилишди. Қизиғи, қўлини тишлатган ва бунинг натижасида техник нокаутли ғалабага эришган Андре Лима ҳам бонус чекини қўлга киритди. UFC раҳбарлари балки шу йўл билан тишланган қўлга товон пули тўлашгандир.    

Ярно Эрренс ва Стивен Нгуен ўрасидаги тўқнашув UFC Vegas 89 турнирининг энг яхши жанги деб топилди. Қонли жангда Эрренс ҳакамларнинг якдил қарори билан (30-27, 30-27, 30-27) ғалаба қозонди. Ҳар икки жангчига ҳам 50 000 доллар бонус тақдим этилди.  

Шунингдек, Фернандо Падилья ва Пэйтон Талботт ҳам ташкилотчиларнинг марҳаматидан четда қолмади. Бу икки аралаш яккакураш устаси ҳам ёрқин жанг учун бонусга лойиқ кўрилди. Жами беш нафар жангчи ўз ҳамёнини кафолатланган гонорар билан бирга қўшимча 50 минг доллар билан бойитиб олди.