UFC Vegas 94 турнири иштирокчилари тарозига чиқди, co-main event жанги бекор қилинди

Анъанага кўра, турнирдан бир кун олдин жангчилар тарозидан ўтиш ҳамда face to face маросимларида иштирок этишди. UFC Vegas 94 турнирининг марказий жанги аёллар ўртасида биринчи ўта енгил вазнда Аманда Лемос ҳамда Вирна Яндироба ўртасида ўтказилади. Бразилиялик жангчи хонимлар белгиланган вазн меъёрини бажаришди. Аманда 52,61 кг, Вирна эса 52,38 кг тош босди. 

Афсуски, турнир карди катта йўқотишга учради. Оқшомнинг Брэд Таварес ва Юн Ёнг Пак ўртасидаги co-main event жанги бекор қилинди. Бунга кореялик жангчининг соғлиғидаги муаммо сабаб бўлган. Турнир доирасида тожикистонлик Лоик Ражабов Трей Огденга қарши октагонга кўтарилади. 

UFC Vegas 94 тарози натижалари:

Аманда Лемос (52,61 кг) vs Вирна Яндироба (52,38 кг) 

Брэд Таварес (84,14 кг) vs Юн Ёнг Пак (84,36 кг) - тиббий хулосага кўра бекор қилинди

Стив Гарсия (65,54 кг) vs Сеунгву Чой (65,77 кг) 

Курт Холобау (70,3 кг) vs Кэйнан Крущевский (69,85 кг) 

Коди Дарден (56,92 кг) vs Бруно Сильва (57,15 кг) 

Ду Ху Чой (66,22 кг) vs Билл Алджео (66,22 кг) 

Прелим кард: 

Жеонг Йеонг Ли (65,99 кг) vs Хайдер Эмил (65,77 кг) 

Брайэн Келлехер (61,68 кг) vs Коди Гибсон (61,68 кг) 

Миранда Маверик (56,92 кг) vs Дионе Барбоса (56,92 кг) 

Лоик Ражабов (70,53 кг) vs Трей Огден (70,76 кг) 

Луана Каролина (56,92 кг) vs Люси Пудилова (57,15 кг) 

Муҳаммад Усман (107,27 кг) vs Томас Петерсен (117,25 кг)