25 авг 10:21
Янгиликлар

Бокс/ММА

UFC Vegas 96 турнирининг марказий жанги тўлиқ давом этди

Ҳозиргина АҚШнинг Невада штати Лас-Вегас шаҳрида навбатдаги UFC турнири якунланди.

UFC Vegas 96 оқшомининг марказий жанги ўрта вазн тоифасида ўтказилди ва унда рейтингнинг 5-поғонасидан жой олган Жаред Каннонье 12-ўринни эгаллаб турган бразилиялик Кайо Борральога қарши октагонга чиқди. Жанг тўлиқ давом этди ва унда ҳакамларнинг қарорига кўра Кайо очколар ҳисоби билан ғалаба қозонди. Бу унинг ММАдаги 17, UFC`даги 7-ғалабаси бўлди.

Ёдингизда бўлса, Кайо Борральо ҳамюртимиз Маҳмуд Мурадовни Абу-Дабида ўтган жангда очколар ҳисобига кўра мағлубиятга учратган эди. Бугунги ғалабадан кейин бразилиялик аралаш яккакураш устаси рейтингда яхшигина кўтарилиб олади.