UFC юлдузи Ислам Махачев қай ҳолатда фаолиятини якунлашини айтди

Россиялик аралаш яккакураш устасининг сўзларига кўра, айни дамда у бу ҳақда бош қотирмаяпти. Шунингдек, Ислам фаолиятини якунлаш унинг ёшига боғлиқ бўлмаслигини ҳам таъкидлади.

"Кетишимнинг сабаби ёшимга боғлиқ бўлмайди. Заифлаша бошлаганимни ҳис қилсам, спарринг шерикларимга кучим етмаётганини сезсам, кейин сиз айтган мавзуда ўйлай бошлайман.

Умуман олганда, агар ҳозир тугатсам, нима билан шуғулланаман? Уч-тўрт ой бекор ўтирсам, қорним оч қолади. Ўзимни залдан ташқарида ҳис қила олмайман. Ҳаётим кураш зали билан боғланиб кетган. Мен бир умр шу иш билан шуғулландим. Ҳозирча кетиш ҳақида ўйламаяпман", - дея Махачевнинг сўзларини келтиради UDAR телеграм-канали.

Эслатиб ўтамиз, Ислам Махачев 15 ноябрь куни Нью-Йорк шаҳрида ташкил этиладиган UFC 322 турнирининг асосий жангида яримўрта вазн чемпиони Жек Делла Маддаленага қарши октагонга чиқади.