15 дек 09:53
Янгиликлар

Бокс/ММА

UFC юлдузи Йоэль Ромеро Bellator промоушенида дебют қилади

Ўрта вазн тоифасида UFC чемпионлик камарига собиқ даъвогар Йоэль Ромеро фаолиятини янги промоушенда давом эттиради.

Кубалик 43 ёшли Ромеро шу ҳафтанинг ўзида Bellator промоушени билан шартнома имзолайди. Бу маълумотни Йоэлнинг менежерлари Абе ва Малки Кава ҳам тасдиқлади. Ромеро фаолияти давомида даъвогар сифатида тўрт маротаба чемпионлик камари учун октагонга кўтарилган.

Маълумот учун, Йоэль Ромеро сўнгги жангини шу йилнинг март ойида UFC чемпиони Исраэль Адесаньяга қарши ўтказганди. Беш раунд тўлиқ давом этган жангда ҳакамлар очколар бўйича ғалабани чемпионга тақдим этишган эди. Ромеро октагонга чиқадиоан Bellator промоушенинг ярим оғир вазн тоифасида россиялик Вадим Немков амалдаги чемпион ҳисобланади. У шу йил августда америкалик Райан Бейдерни камарни тортиб олганди.