29 апр 13:57
Янгиликлар
Бокс/ММА
UFC'чилар ўқимасин! Майк Перри BKFC'да кечаги жанги орқали даҳшатли сумма ишлаб олди
Кеча Америка Қўшма Штатларининг Калифорния штати, Лос-Анжелес шаҳрида бокс бўйича Bare Knuckle FC: Knuckle Mania 4 турнири ўтказилди.
Мусобақанинг марказий жангида UFC собиқ жангчиси, ярим ўрта вазн тоифасида америкалик аралаш якка кураш устаси Майк Перри (14-8-0) рингга кўтарилди. Унга бразилиялик яна бир UFC собиқ жангчиси - Тиаго Алвес (23-15-0) рақиблик қилди.
5 раундга мўлжалланган мазкур жангда Перри рақибини илк раунддаёқ нокаутга учратди.
Маълум бўлишича, Майк Перри ушбу жанг орқали 600 000 доллар кафолатланган гонорарни ишлаб олган. У ҳали реклама ва трансляция пулларидан ҳам ўз улушини олади.
Аввалроқ, иккита вазн тоифасида UFC собиқ чемпиони Конор Макргегорнинг BKFC лигаси акциядорларидан бирига айлангани ҳақида хабар берган эдик.
Ҳавола :
Манба : championat.com
Фикрлар