UFCʼда байроқлар билан чиқишга рухсат берилади

Бу ҳақда UFC раҳбари Дана Уайт Лас-Вегасдаги матбуот анжуманида маълум қилди.

"Байроқлар қайтиб келади. Мексика Мустақиллик куни таътилда эдим ва байроқларнинг йўқлиги мени ҳайрон қолдирди. Шундай қилиб ўйлаб кўрдим, биз байроқларни қайтариб берамиз" - деди Дана Уайт.

Уайтнинг сўзларига кўра, дастлаб у бу тақиқни катта муаммо деб ҳисобламаган ва бунга қатъиян қарши ҳам бўлмаган, аммо вақт ўтиши билан у бўлаётган воқеалар унга ёқмаган.

"Бундай йирик компанияда ҳар доим кўп нарсалар юз беради ва ҳамма нарсани назорат қилиб бўлмайди. Баъзида ишлар тўғри амалга оширилади, баъзан эса йўқ. Бу хонадаги ҳамма менинг кўп нарсаларга қандай муносабатда эканлигимни билади. Асосан менга барибир. Бу кўп саволларга жавоб.

Ҳамма сезгир бўлиб қолди. Қарор қабул қилинганда, "Уларнинг байроқлари бўлмаса нима бўлади?" деб ўйладим. Мексика Мустақиллик кунида: "Етар, бу тақиқни олиб ташлаш вақти келди" дея ўйладим. Шундай қилиб, байроқлар қайтиб келади ва агар бирон бир байроқ сизни ранжитса, ўзингиз учун ёмон бўлади" - дея қўшимча қилди UFC раҳбари.