06 июн 09:29
Янгиликлар

Бокс/ММА

UFCда парокандалик! Жонс кетидан Масвидаль ҳам ташкилотдан кетмоқчи

Ярим ўрта вазн тоифаси етакчиларидан бири Хорхе Масвидаль UFC раҳбариятини огоҳлантирди.

Масвидаль агар гонорар ошириkмаса, лигадан кетиши билан таҳдид қилган. Хорхенинг айтишича, унга чемпион Камару Усманга қарши жанг учун жуда кам гонорар таклиф қилишган. Ушбу сумма унинг Нэйт Диасга қарши ўтказган жангидаги гонорардан ҳам анча кам.

"Агар мен каттароқ гонорарга муносиб бўлмасам, жавобимни беринглар. Нима учун мен аввалги жангимдан тенг ярмига кам гонорар олишим керак? Фақат ҳамма айбни пандемияга тўнкаманглар. Одамлар ишга қайтяпти, иқтисодиёт ўз жойига келяпти. Сизлар эса бутун бир оролни сотиб оляпсизлар. Чемпионлик жанги учун муносиб ҳақ тўланмас экан, мен лигадан кетаман", - деди Масвидаль ўзининг Твиттер саҳифасида.

Эслатиб ўтамиз, аввалроқ ярим оғир вазн тоифасда UFC чемпиони Жон Жонс ҳам лигадан кетишини айтган эди.