UFC'нинг янги чемпиони Маккензи Дёрн камар ҳимояси учун илк рақибни танлади

"Мен чемпион бўлганимдан кейин қанчалик танлаш ҳуқуқига эга эканлигимни билмайман. Менинг сўзларим ва қарорларим қанчалик таъсир қилишини ҳам билмайман. Лекин мен бу ерда титулни ҳимоя қилмоқчиман, шунинг учун ким қарши чиқса, мен тайёрман. Вейли Чжан қайтадими-йўқми, буни ҳам билмайман, лекин мен Татьяна Суарес билан жанг қилишни жуда хоҳлардим. Греплерлар билан бир нечта жанг ўтказишни истардим", - деди америкалик чемпион Абу-Дабидаги UFC 321 турниридан кейин ўтказилган матбуот анжуманида.

Шунингдек, янги чемпион ўтказган жангига ҳам тўхталиб ўтди. 

"Менимча, мен октагонни назорат қилдим. Зарбаларим ҳам кўпроқ ва аниқроқ чиқди. Биз тик ҳолатда жанг ўтказишга қарор қабул қилдик, бошқа томондан жанг партерга ўтган тақдирда ҳам, ўзимизни ишончли ҳис қилардик. Албатта, агар сен партерга тушиб қолсанг, раундни бой бериш хавфи доимо бўлади. Лекин мен хавфли бўлишга ҳаракат қилдим - доимо ҳужум уюштириш, сабмишни излаш, агар у шунчаки позицияни ушлаб турганини кўрсам, уни итариб, ўз жойимга қайтардим. Мен ғалаба қозонишим мумкинлигини ҳис қилдим. Бу менинг жангим эканлигини ҳис этдим, лекин ҳеч ким шубҳа қилмаслиги учун рақибни нокаутга учратишни ёки таслим бўлишга мажбур қилишни хоҳлади. Чунки MMA’да танқидчилар орасида ҳар доим гап-сўзлар бўлади", - дея гапларига хулоса қилди UFC чемпиони.