UFC`нинг янги рейтинглари сунъий интеллект томонидан шакллантирилади

Бу ҳақда ташкилот раҳбари Дана Уайт Вашингтонда бўлиб ўтган матбуот анжуманида маълум қилди.

"Рейтинглар бир-икки ҳафтадан кейин эълон қилинади. Улар аллақачон тайёр ва тез орада биз уларни эълон қиламиз. Сунъий интеллект аллақачон шу ерда, хонимлар ва жаноблар!", - деди лига раҳбари.

Маълумотларга кўра, максимал объективликка даъво қиладиган янги рейтингларнинг асосий хусусияти шундаки, жангчиларнинг позициялари овоз берувчиларнинг фикри, шахсий афзалликлар, субъектив омиллар ёки спортчиларнинг машҳурлиги билан эмас, балки фақат октагондаги ютуқлар билан белгиланади.

Айни пайтда вазн тоифасидан қатъи назар, ташкилотнинг энг яхши жангчиси россиялик Ислам Махачев бўлиб, у ярим ўрта вазн тоифасида UFC чемпионлик камарини ўзида сақлаб турибди.