Уимблдон-2026. Эркаклар ўртасидаги турнирда чемпион аниқланди

Ҳал қилувчи финал баҳсда сайёрамизнинг биринчи ракеткаси, мусобақанинг амалдаги чемпиони, италиялик Янник Синнер ATP рейтингида учинчи ўринни эгаллаб турган германиялик Александр Зверевга қарши кортга чиқди. Уч соату 48 дақиқа давом этган учрашувда Синнер камбэк амалга оширди - 6/7 (7), 7/6 (2), 6/3, 6/4.

Бу билан Янник чемпионлик унвонини ҳимоя қилиш баробарида теннисчиларнинг ўзаро учрашувларидаги ҳисоб мувозанатини янада йириклаштириб қўйди - 11:4. Баҳс давомида Синнер 15, Зверев эса 17 та эйс зарбасини амалга оширди. Иккала теннисчи ҳам 2 тадан қўшхатога йўл қўйди. Брейклар бўйича устунлик италиялик томонида бўлди - 2 га 1. 

Икки ҳафталик меҳнат Янникка 4 млн 825 минг доллар мукофот пули келтирди. Вице-чемпион Александр Зверев эса 2 млн 412 минг доллар ишлаб олди. 

Маълумот учун, Янник Синнер ўтган йилги финалда испаниялик Карлос Алькарасни мағлубиятга учратган эди. Бу йилги турнирда Алькарас соғлиғидаги муаммолар сабаб иштирок этмади.