15 июл 11:22
Янгиликлар

Теннис

Уимблдон турнирининг аралаш жуфтлик баҳсларида чемпионлар маълум

Лондон шаҳрида якунига етган теннис бўйича "Катта Дубулға" туркумига кирувчи Уимблдон турнирининг микст, яъни аралаш жуфтлик баҳсларида ҳам ғолиблар аниқланди.

Мусобақа бош соврини польшалик Ян Желински ва Хитой Тайпейи вакиласи Се Су-Вейга насиб этди. Улар биргаликда бу йилги мавсумда иккинчи "Катта Дубулға" турнири чемпионлигини қўлга киритишди.

Ян ва Се финал учрашувида мексикалик теннисчилар - Сантьяго Гонсалес ва Гильяна Олмос жуфтлигини ортиқча қийинчиликсиз мағлубиятга учратишди - 6/4, 6/2. Финал баҳси 77 дақиқа давом этган.

Желински ва Су-Вей 130,000, Гонсалес ҳамда Олмос эса 65,000 фунт стерлинг миқдоридаги мукофот пулига эга чиқди.