12 июл 13:08
Янгиликлар

Теннис

Уимблдон турнирининг жуфтлик баҳсларида финалчилар маълум

Лондон шаҳрида ўтказилаётган теннис бўйича "Катта Дубулға" туркумига кирувчи Уимблдон турнири ўзининг ҳал қилувчи босқичига кирди.

Мусобақанинг эркаклар ўртасидаги жуфтлик баҳсларида финалчилар аниқланди. Ярим финалнинг илк жуфтлигида турнирда 15-рақам остида сараланган австралиялик жуфтлик - Макс Пёрселл ва Жордан Томпсон мусобақанинг биринчи рақамли тандеми - испаниялик Марсель Гранольерс ҳамда аргентиналик Орасио Себальос ҳамкорлигини 6/4, 6/4 ҳисобида таслим этди.

Иккинчи ярим финал учрашувида эса финляндиялик Харри Хелиоваара ва британиялик Генри Паттен турнирнинг 9-рақамли жуфтлиги - британиялик Нил Скупски ҳамда Янги Зеландия вакили Майкл Винусдан устун келди - 6/4, 7/6(1). Ҳал қилувчи финал учрашуви эртага, 13 июль куни бўлиб ўтади.