08 окт 17:55
Янгиликлар

Бокс/ММА

Уиттакер - Адесанья жанги томошабинлар ташрифи бўйича UFC рекордини янгилади, оқшомнинг ўзи 5,5 млн доллар фойда келтирди

Хабар берганимиздек, Австралиянинг Мельбурн шаҳридаги Marvel Stadium аренасида аралаш қоидалар бўйича UFC 243 турнири бўлиб ўтганди.

Яшил қитъада ўтказилган ушбу UFC оқшомининг марказий жангида ўрта вазн тоифасининг вақтинчалик чемпиони Исраэль Адесанья ҳамда ҳақиқий чемпион Роберт Уиттакер ўзаро тўқнаш келганди. Жангда Адесанья рақибини нокаутга учратиб, UFCнинг янги чемпионига айланган эди.

Эътиборлиси, ушбу UFC оқшомини томоша қилиш учун Marvel Stadium аренасига 57 127 нафар мухлис ташриф буюрган. Бу эса томошабинлар ташрифи бўйича UFCнинг янги рекорди сифатида қайд этилди.

Қизиғи, бундан аввалги рекорд ҳам айнан Австралияда ўрнатилганди. 2015 йилнинг ноябрь ойида ўтказилган UFC 193 турнирини томоша қилиш учун стадионга 56 214 мухлис ташриф буюрган эди.

UFC президенти Дана Уайтнинг айтишича, UFC 243 турнири компанияга 5 миллион 500 000 доллар фойда келтирган.