Уиттакерга қарши жангда Костанинг ўрнини эгаллашга даъвогар маълум

Ушбу оқшом доирасида Роберт Уиттакер бразилиялик Пауло Костага қарши октагонга чиқиши лозим эди. Аммо Коста гонорарнинг камлигидан нолиб, жангдан воз кечди. Бу вазиятда Жаред Каннонир Паулонинг ўрнини эгаллашга тайёр эканини маълум қилди. У австралияликка қарши унинг ҳудудида жанг қилиш истагини билдирди. 

"Мен шу кунгача Австралияда бўлмаган. Агар UFC менга ушбу таклифни билдирса, ўйлаб ўтирмай қабул қиламан. Роберт Уиттакер билан яна бир бор октагонда тўқнаш келишдан хурсанд бўлардим. Бу сафар ўз ишимни аъло даражада бажарардим", - деди Жаред. 

Роберт Уиттакер ва Жаред Каннонир ўртасидаги илк жанг 2020 йилнинг октябрь ойида ўтказилган бўлиб, ўшанда собиқ UFC чемпиони Уиттакер ҳакамларнинг якдил қарори билан ғалаба қозонганди. Айни пайтда Роберт Уиттакер ҳамда Жаред Каннонир мос равишда UFC ўрта вазн тоифаси рейтингида мос равишда иккинчи ва учинчи ўринни эгаллаб турибди.