Украинада коронавирус юқтириб олган илк спортчи аниқланди + ФОТО

Бобров Испаниянинг "Фуэнлабрада" клуби шарафини ҳимоя қилади. Баскетболчининг коронавирусга топширган тест-таҳлили ижобий натижа берган. Бу ҳақида унинг ўзи Instagram саҳифасида хабар қолдирган. 

"Коронавирусга чалиниб қолганим ҳозир кўпчиликка сир бўлмаса керак. Айни пайтда мен Киевдаги касалхонадаман. Коронавирусдан ташқари менга бир томонлама пневмония ташхиси ҳам қўйилган. Барчадан бу масалага жиддий қарашларини сўрайман. 

Катта эҳтимол билан Испаниядан уйга қайтаётганимда бу касални юқтириб олдим. Ўшанда аэропортда ниқоб тақмаган одамлар жуда кўп эди. Аэропортда жиддий текширув бўлади деб ўйлагандим. Лекин фақат одамларнинг иситмасини ўлчашди холос. Киевга келган кунимнинг эртасига иситмам 38,5 даражага кўтарилиб кетди", - деди Бобров.