15 фев 07:43
Янгиликлар

Спорт курашлари

Украиналик курашчи Европа чемпионати тақдирлаш маросимида рус спортчиси билан суратга тушишни истамади + ФОТО

Украиналик Александр Грушин спорт курашлари бўйича Европа чемпионати совриндорлари билан тақдирлаш маросимида суратга тушишдан бош тортди.

Сабаби, совриндорлар орасида россиялик Анвар Аллахьяров ҳам бор эди. Мусобақа Руминиянинг Бухарест шаҳрида ўтказилмоқда. Кеча юнон-рим кураши баҳсларининг 63 кг.гача бўлган вазн тоифасида ғолиб ва совриндорлар аниқланди.

Ушбу вазнда озарбайжонлик курашчи Мурод Мамедов ғолиб бўлди. Кумуш медаль эса Украина вакили Александр Грушинга насиб этди. Россиялик Анвар Аллахьяров ҳамда Болгария терма жамоаси аъзоси Эдмонд Назарян мусобақада учинчи натижани қайд этди.

Спортчиларни тақдирлаш маросимида кумуш медаль соҳиби Грушин жамоавий суратга тушишни рад этди.