Украиналик спортчиларга россияликлар билан мусобақалашиш тақиқланди

Бу ҳақда юнон-рум кураши бўйича Олимпия чемпиони Жан Беленюк ўзининг телеграм каналида Украина Ёшлар ва спорт вазирлигининг тегишли буйруғида маълум қилди.

"Украина терма жамоаларининг расмий делегацияларига Россия Федерацияси ва Беларусь спортчилари иштирок этадиган Олимпия спорт турлари бўйича халқаро спорт мусобақаларида қатнашиш тақиқлансин", — дейилади ҳужжатда.

Буйруқ бандларига кўра, талаб бузилган тақдирда спорт федерациялари миллий мақомидан маҳрум этилади. Шунингдек, вазирлик мутасаддиларига агар мусобақада Россия ва Беларус спортчилари иштирок этса, делегацияларни хизмат сафаридан чақириб олиш топширилган.