Украинани мағлуб этган Ўзбекистон Валерий Лобановский хотира турнири ғолибига айланди

Унда Тимур Кападзе бошчилигидаги Ўзбекистон U21 терма жамоаси иштирок этди. Кеча Озарбайжонни 1:0 ҳисобида таслим қилган ёшларимиз бугун мусобақа мезбони Украина ёшларини 2:0 ҳисобида таслим қилишди ҳамда турнир ғолибига айланишди.

Бугунги голларга Жасур Жалолиддинов ва Ҳусайин Норчаев муаллифлик қилишди. 67-дақиқада Суннатиллоҳ Ҳамиджонов иккинчи бор сариқ карточка олиб майдонни тарк этди ва ўйин охиригача жамоамиз 10 киши бўлиб ўйнади. 

Иккита ўйинда иккита гол урган Жасур Жалолиддинов мусобақанинг энг яхши футболчиси деб топилди.

Ўзбекистон U21 - Украина U21 - 2:0
Голлар: Жасур Жалолиддинов 41, Ҳусайин Норчаев 63.
Ўзбекистон U21: Ҳамидулло Абдунабиев, Диёр Холматов, Ҳусайн Норчаев, Улугбек Ҳошимов, Жасур Жалолиддинов, Отабек Жўрақўзиев, Элдор Бегимов, Одил Андумажидов, Суннатиллоҳ Ҳамиджонов, Диёр Раҳимқулов, Абубакр Ризо Турдиалиев.
Четлатиш: Суннатиллоҳ Ҳамиджоов 67 (2СК)