15 июн 10:05
Янгиликлар

Бокс/ММА

Уланбеков — Ван жанги бекор қилинди, бунга Тагир сабабчи

Бизнинг вақт билан эртага тонг саҳарда АҚШнинг Невада штати Лас-Вегас шаҳрида навбатдаги UFC турнири бўлиб ўтади.

Расмий тарозидан ўтиш маросимида оқшомдан ўрин олган жангларнинг бири бекор қилинди. Россиялик аралаш яккакураш устаси Тагир Уланбеков вазн қила олмади. У 58,74 кг тош босди ва белгиланган меъёрдан 1,59 кг ортиқча вазнга эга экани ойдинлашди.

Эслатиб ўтамиз, Тагир Уланбековнинг мьяманлик рақиби Жошуа Ван жароҳат сабаб сафдан чиққан америкалик Алекс Переснинг ўрнини эгалаганди. Тагир 2020 йилнинг октябрь ойида UFC`да дебют қилган эди. Унинг ҳисобида 16 та жангдан 14 ғалаба ва 2 мағлубият бор. У UFC 296 турнири доирасида америкалик Коди Дёрденни иккинчи раундда бўғиб қўйганди.