24 июл 12:58
Янгиликлар

Спорт курашлари

Улмекен Есенбаева Жаҳон чемпионати совриндори!

Венгрия пойтахти Будапешт шаҳрида ўсмирлар ўртасида эркин, юнон-рум ва аёллар кураши бўйича жаҳон чемпионати давом этмоқда.

Ушбу нуфузли мусобақада Ўзбекистон терма жамоаси курашчилари ҳар уччала йўналишда юртимиз шарафини ҳимоя қиляптилар. Аёллар кураши баҳсларида юртимиз шарафини ҳимоя қилган Улмекен Есенбаева жаҳон чемпионатининг бронза медалини қўлга киритди.

61 кг вазндаги вакиламиз ўтиш баҳсида хорватиялик Алесиа Марселични 6-0 ҳисобида мағлубиятга учратди. Бронза медали учун баҳсдаги рақибаси ҳиндистонлик Нитика Нитика эса жароҳати сабаб гиламга чиқмади ва шу тариқа ҳамюртимиз жаҳон чемпионатининг бронза медалига сазовор бўлди.

Бир кун аввал 65 кг вазнда юртимиз шарафини ҳимоя қилган қорақалпоғистонлик курашчи қизимиз Хуршида Қосимова ҳам жаҳон чемпионатининг бронза медали билан тақдирланган эди. Қизларимиз мусобақани 2 та бронза медали билан якунлашди.