17 окт 10:10
Янгиликлар

Бокс/ММА

Улуғбек Собиров россиялик тажрибали боксчига қарши рингга чиқади + ПОСТЕР

11 ноябрь куни Россия Федерациясининг Екатеринбург шаҳрида RCC промоутерлик компанияси ўзининг навбатдаги профессионал бокс оқшомини ташкил этади.

Эътиборлиси, ушбу оқшомнинг марказий жангида ўрта вазн тоифасидаги чарм қўлқоп устамиз Улуғбек Собиров (12-2-0) рингга чиқади. Ҳамюртимизга ўша куни россиялик таниқли боксчи Вадим Туков (12-0-0) рақиблик қилади. Ушбу жанг 10 раунд этиб белгиланган.

Эслатиб ўтамиз, Улуғбек Собиров сўнгги жангини шу йилнинг 30 сентябрь куни Туркияда кубалик Луис Мигель Байона (6-1-0)га қарши ўтказиб, очколар ҳисобига кўра ғалаба қозонган эди. Вадим Туков эса охирги жангини 8 сентябрь куни Жон Бопапега қарши ўтказиб, муддатидан олдин зафар қучганди.