Умар Кремлёв Париж-2024 Олимпиадаси чемпионларига 100 000 доллар мукофот пули беради

Нафақат бўлажак Олимпиада чемпионлари, балки кумуш ва бронза медалларини қўлга киритган чарм қўлқоп усталарига ҳам пул мукофоти тақдим этилади. Чемпионларга 100 000 АҚШ доллари ажратилади. Бу сумманинг тенг ярми боксчига, 25 000 унинг мураббийига, қолган 25 000 доллар эса миллий федерация ҳисобига ўтказилади.

Кумуш медаль учун 50 000 АҚШ доллари ажратилади. Унинг тенг ярми атлетга, қолган қисми мос равишда мураббий ва миллий федерация ўртасида тақсимланади.

Бронза медали учун эса 25 000 АҚШ доллари берилади. Ундан 12 500 АҚШ доллари спортчига берилади, қолган 50 фоиз аввалги тақсимотда бўлгани каби мураббий ва миллий федерация ўртасида бўлинади.

Хабарда айтилишича, ҳатто чорак финалгача етиб борган боксчилар учун 10 000 АҚШ доллари ажратилиши кўзда тутилган.