Умар Кремлёв Халқаро олимпия қўмитаси ҳақида гапирди

"Бокс буюк спорт, биз аллақачон ўз йўлимизни танлаб бўлганмиз. Биз учун асосий турнир бу - жаҳон чемпионати! Бокс билан камбағал ва ўртаҳол одамлар шуғулланади. Бизнинг вазифамиз боксчиларга пул ишлаб топа олишига ёрдам бериш. Биз ҳар бир боксчи ва мураббий учун курашамиз. IBA ташқаридан назорат қилинмаслиги учун биз мустақиллигимизни намойиш қиламиз.

Илгари Си Кей Ву ХОҚда ҳам лавозимларни эгаллаган эди, аммо унинг қўл остида коррупция бўлган. Бу ерда ХОҚга саволлар туғилади, нега улар бу ҳақда гапирмайди. Айтишларича, 2012 ва 2016 йилги Олимпия ўйинларининг бокс мусобақасида коррупция бўлган...

 Ўшанда мен у ерда бўлмаганман. Бугунги кунда IBAда ҳеч қандай муаммо йўқ. Уларга спортчиларнинг Олимпиададагидан кўпроқ маош олиши ёқмайдими? Хўш, бу уларнинг муаммоси. ХОҚ билан ҳеч қандай муаммо кўрмаяпман. Биз томондан ҳеч қандай муаммо йўқ", - деди Кремлёв.