Умар Нурмагомедов Саидёқуб Қаҳрамоновнинг гапларига жавоб қайтарди. "Ҳар қандай жангчига тайёрман, ҳатто уларни аввал мағлуб этган бўлсам ҳам"

Энг енгил вазн тоифасида россиялик UFC жангчиси Умар Нурмагомедов (16-0) ўзбекистонлик Саидёқуб Қаҳрамоновга (10-3) жавоб қайтарди.

"Ҳар қандай жангчига қарши тайёрман, ҳатто уларни аввал мағлуб этган бўлсам ҳам", - деб ёзган Нурмагомедов. Аввалроқ, Саидёқуб Қаҳрамонов Умарни жангга чорлаб, бу шартнома бўйича UFC'даги сўнгги жанги эканини ёзган эди.

Умар, шунингдек Саидёқубга нисбатан кинояли тарзда твит ёзиб қолдирган:

"Одамлар ўз хатоларидан хулоса чиқаришмайди".

Икки жангчи 2018 йилда PFL лигасида ўзаро тўқнаш келишган. Ўша жангда Умар Нурмагомедов ҳакамлар қарори билан ҳамюртимизни мағлуб этган эди.

I m ready for anybody
Even i beat them before

— Umar Nurmagomedov (@UNmgdv) January 31, 2023