Умар Нурмагомедов Зубайра Тухуговнинг мағлубиятига муносабат билдирди

Энг енгил вазнда россиялик аралаш яккакураш устаси Умар Нурагомедов ҳамюрти Зубайра Тухуговнинг мағлубияти ҳақида фикр билдирар экан, ҳакамлик борасида UFC'га мурожаат қилди.

"Зубайра бу жангни ютқазмади, 100%. 27-30 бўлиши мумкин эмас.

UFC'га ҳурматни сақлаган ҳолда айтиш керакки, жангчилар бу ерга етиб келиб, жанг қилишлари учун кўп нарсаларни бошдан кечирадилар. Улар тажрибали ва адолатли ҳакамларга лойиқ", - деб ёзган Умар ўз Twitter саҳифасида.

Бироз аввал, Зубайра Тухугов Австралиянинг Перт шаҳрида ўтказилаётган UFC 284 мусобақаси доирасида бразилиялик Элвис Бренерга ҳакамлар қарори билан мағлуб бўлган эди.

With all the respect to the UFC, fighters go through a lot to get to where they are, and to fight. They deserve qualified and fair judges.

— Umar Nurmagomedov (@UNmgdv) February 12, 2023