31 июл 07:42
Янгиликлар

Бокс/ММА

Умар Нурмагомедовнинг UFCдаги дебюти ҳақида маълумот берилди

Енгил вазнда UFC чемпиони Хабиб Нурмагомедовнинг жияни Умар Нурмагомедов UFC промоушенида дебют қилади.

Кичик Нурмагомедовнинг дебюти шу йилнинг куз ойларига мўлжалланмоқда. Бу ҳақида спортчининг менежери Ризван Магомедов хабар берди.

"Режамизга кўра, Умар сентябрь ёки октябрь ойида октагонга чиқади", — дея Магомедовнинг сўзларини келтирмоқда ТАСС.

Эслатиб ўтамиз, аслида Умар Нурмагомедовнинг UFCдаги дебют жанги 25 июль куни Абу-Дабидаги "Жанглар ороли"да бўлиб ўтиши керак эди. Аммо, Абдулманап Нурмагомедовнинг вафоти сабаб ушбу жанг бекор бўлганди. 24 ёшли Умар сўнгги жангини ўтган йили Тошкентдаги GFC 20 кечасида ўтказган эди.