UZ

Сўнгги янгиликлар

10:04Италия Кубоги. "Милан" ва "Интер" 1/2 финалнинг илк баҳсида муроса кўчасини танлашди + ВИДЕО 0 09:43Халқаро Муайтай уюшмалари федерацияси (IFMA) вице-президенти Ўзбекистонга келди 0 09:22Фоминнинг Анталиядаги юриши бошланди, у 6-ракеткани мағлуб этди 0 08:57Жаҳон кубоги. Икки боксчимизда мағлубият, улар орасида Олимпиада чемпионимиз ҳам бор 0 08:33Испания Кубоги. "Барселона" "Атлетико"ни мағлуб этди. Финалда "Эл Классико" кўрамиз! (+ВИДЕО) 0 18:25МакГрегор ўз рекордини Хабиб, Топурия ва Махачевнинг рекорди билан солиштирди 0 18:02UFC ҳар йили Забит Магомедшариповга қайтишни таклиф қилади 0 17:38Флойд Мейвезер фаолиятидаги энг муҳим 7 та ғалабасини санаб берди 0 17:17"Элит футболчи бўлади". Машҳур скаут — Ҳусановнинг "Манчестер Сити"даги истиқболи ҳақида 0 16:54Анкалаев: "Мен августда жанг қилишга рози бўлганимдан сўнг, Перейра реваншни истамаётгандек туюлмоқда" 0 16:28Александр Волков июнь ойидаги UFC турнирида жанг қилиши мумкин 0 16:05Хельвани: "Белал Муҳаммад UFC чемпионлигидан айрилиши мумкин" 0 15:39АПЛнинг мавсумдаги энг тезкор футболчиси аниқланди 0 15:17Чисора чемпион бўлган тақдирда ҳам фаолиятини якунлайди 0 14:52Жозеф Спенсер жамоаси беш кун қолганида Тим Цзю билан жанг қилишдан бор тортмоқда, сабаби ўзига хос! 0

11 май 16:16
Янгиликлар

Велоспорт

Умид Аҳмаджонов ва Шоакром Исроилов Осиё велоспорт конфедерацияси Президенти билан учрашишди

Бугун, 11 май куни Ўзбекистон Миллий олимпия қўмитаси Президенти Умид Аҳмаджонов ҳамда Ўзбекистон Республикаси Жисмоний тарбия ва спорт вазири Шоакром Исроилов Осиё велоспорт конфедерацияси Президенти Осама Аҳмад Абдулла ал Шафар билан учрашув ўтказишди.

Тошкентга уюштирган ташрифи давомида жаноб ал Шафарга ташкилот Бош котиби Онкар Сингх, вице-президент Шайх Ҳолид бин Ҳамад ва молиячи Дато Амарйит Сингҳ Гиллар ҳамроҳлик қилишди.

Миллий олимпия қўмитасида бўлиб ўтган учрашувда томонлар 2019 йилда велоспортнинг шоссе йўналиши бўйича мамлакатимизда бўлиб ўтадиган Осиё чемпионатига тайёргарлик масалаларини муҳокама қилишди.

"2019 йилги Осиё чемпионати Ўзбекистонда ўтишидан хурсандмиз. Мазкур нуфузли мусобақани юқори савияда ўтказишимизга ишончингиз комил бўлсин. Бугунги кунда Ўзбекистонда Миллий олимпия қўмитаси, Жисмоний тарбия ва спорт вазирлиги ҳамда федерациялар яқиндан ҳамкорликда иш олиб бормоқда. Авваллари ушбу ташкилотлар тарқоқ ҳолда ишлашарди. Биз нафақат Осиё чемпионатини, балки келажакда жаҳон чемпионатини ҳам Ўзбекистонда ўтказишни истаймиз", - деди Умид Аҳмаджонов.

Ўз навбатида ал Шафар Осиё велоспорт конфедерацияси 2019 йилги мусобақани ташкил этишда Ўзбекистонга ёрдам беришга тайёр эканлигини маълум қилди.

"Ўзбекистонда бўлиб турганимдан хурсандман. Мамлакат спортида рўй бераётган ислоҳотларни ўз кўзим билан кўриб турибман. МОҚ ва вазирлик ҳамкорликда ишлаётганидан мамнунман. Осиё чемпионатини ташкил қилишда Ўзбекистон велосипед спорти федерациясига қандай ёрдам керак бўлса беришга тайёрмиз. Осиё велоспорт конфедерацияси мутахассислари Тошкентда бир неча кун бўлиб, 2019 йилдаги Осиё чемпионатини юқори савияда ўтказиш масаласида ёрдам берадилар", - деди меҳмон.


МОҚ раҳбари Умид Аҳмаджонов шунингдек, Тошкентда машҳур спортчи ва мураббийлар иштирокида мастер-класс ва семинарлар ўтказиш борасида ҳам Осиё велоспорт конфедерацияси Президентига мурожаат қилди.

"Биз Ўзбекистонда кўпроқ халқаро мусобақалар ўтказишни истаймиз. Велоспортни ривожлантириш йўлида махсус дастур ишлаб чиққанмиз. Спортнинг ушбу турини энг қуйи бўғин - боғчалардан бошлаб ривожлантирамиз. Машҳур спортчи ва мураббийларни Тошкентга юбориб, турли семинар ва мастер-класслар ўтказиш масаласида амалий ёрдам берсангиз хурсанд бўлардик. Федерация билан келишган ҳолда шу йилнинг ўзида 300та мусобақа ўтказамиз", - деди Умид Аҳмаджонов.

Шунингдек томонлар ўзбек велоспортида янги инновацион технологияларни қўллаш, жумладан фотофинишларни жорий этишда ҳамкорлик қилишга келишиб олдилар. Учрашув якунида Умид Аҳмаджонов анъанага мувофиқ Миллий олимпия қўмитаси номидан меҳмонларга эсдалик совғаларини тақдим этди.


Бугун Тошкентдаги "International hotel" меҳмонхонасида Осиё велоспорт конфедерациясининг ижроқўм йиғилиши бўлиб ўтади. Осама Аҳмад Абдулла ал Шафар пойтахтимизга ташрифи давомида Ўзбекистон велосипед спорти федерацияси раиси Танзила Нарбаева билан ҳам учрашиши кўзда тутилган.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг