Умида Омонова FIDE Жаҳон кубогининг учинчи босқичида қийин вазиятдан чиқиб кетди

Ушбу нуфузли мусобақада Ўзбекистон терма жамоасининг уч нафар етакчи вакилалари ҳам иштирок этаётганди. Ҳозирга келиб улардан биргина Умида Омонова курашни давом эттирмоқда. Дастлабки икки босқичда кучли рақибаларини мағлубиятга учратган Умида учинчи даврада қозоғистонлик Элназ Калиахметга қарши дона сурмоқда. 

Элназ иккинчи босқичда грузиялик номдор рақибаси Нино Бациашвилидан 1,5:0,5 ҳисобида устун келганди. Ўзига хос Марказий Осиё дербисининг илк партиясида Омонова қора доналарда дурангга имзо чекди. Баҳс давомида жуда катта устунликка эга бўлиб олган Элназ якунда аранг дуранг қилиб олди. Умида кучли ўйини билан рақибасини хато қилишга мажбур эта олди. Бугун шахматчилар ўртасида иккинчи партия ўйналади ва бу сафар ҳамюртимиз оқ доналарда ўйнайди.