Уммон ва Ўзбекистон от спорти ва йилқичилик федерациялари ўртасида меморандум имзоланди

Ўзбекистон йилқичилик ва от спорти федерацияси раиси ўринбосари Баҳром Газиев Уммонда ушбу мамлакат федерацияси билан ўзаро ҳамкорлик бўйича меморандум имзолади. 

Баҳром Газиев Маскат шаҳрида Уммон Султонлиги оиласи вакили ва ушбу мамлакат от спорти федерацияси раҳбари Ал Саид Мансур бин Саиф бин Ҳамад ал Бусайди билан икки томонлама мустаҳкам ҳамкорлик алоқаларини йўлга қўйиш, Ўзбекистонда от спортининг эндьюранс ва тентпеггинг йўналишларини ҳам ривожлантириш, терма жамоа вакилларининг тажриба алмашиши учун мастер-класс ва семинарлар ўтказиш борасида келишувга эришди. 

Таъкидлаш жоиз, ушбу учрашув Ўзбекистон Республикасининг Уммон Султонлигидаги фавқулодда ва мухтор элчиси Анвар Абдуҳалимов кўмагида ташкил этилди.