25 окт 14:42
Янгиликлар

Кикбоксинг, Муайтай

Унифайт. Ўсмирларимиз жаҳон чемпионатидан 12та медал билан қайтишди ФОТО

Ўзбекистон унифайт спорт тури терма жамоаси Москва вилоятида ўтказилган ёшлар ўртасидаги жаҳон чемпионатида иштирок этди.

Дунёнинг йигирмадан ортиқ давлати спортчилари иштирок этган дунё биринчилигида ҳамюртларимиз ҳам муносиб тарзда юртимиз спорт шарафини ҳимоя қилишди. Якунда терма жамоамиз аъзолари 3та олтин, 5та кумуш, 4та бронза медалини қўлга киритишди.

Бу билан Ўзбекистон спорт делегацияси умумжамоа ҳисобида Россиядан кейин иккинчи ўринни эгаллашди. Кучли учликка тожикистонлик спортчилар якун ясашди. Универсал жанг спорт тури усталаримиздан Нурмухаммад Ғиёсов (60 кг), Самандар Сатторов (70 кг) ҳамда Анастасия Байбековалар олтин медалга сазовор бўлишди.