Универсиада-2019. Диёра Келдиёрова бронза учун курашади

Айни дақиқаларда мусобақанинг навбатдаги кунида дзюдочиларимиз ўз маҳоратларини намойиш этишяпти. Ҳозиргина -52 кг вазн тоифасидаги вакиламиз ўсмирлар ўртасида жаҳон чемпиони, катталар орасида Осиё чемпиони Диёра Келдиёрова Универсиаданинг бронза медали учун татамига чиқиш имкониятини қўлга киритди. 

Диёра бронза медали йўлида кечган саралаш беллашувларни муваффақиятли якунлади. Келдиёрова бразилиялик Ясмим Лима, португалиялик Йоана Диого ва мўғулистонлик Буянхишиг Пуревсуренни мағлубиятга учратди. Диёра энди кечки дастурда бронза медали учун германиялик Анника Вурфелга қарши татамига чиқади.