Универсиада-2019. Ниҳоят олтин медаль қўлга киритдик

Ўйинларнинг теннис бўйича баҳсларида терма жамоамиз аъзолари Ўзбекистон делегациясига олтин медални туҳфа этишди. 

Мусобақанинг эркаклар ўртасидаги жуфтлик беллашувларида юртимиз шарафини ҳимоя қилаётган Санжар Файзиев ва Ҳумоюн Султонов финалда Жанубий Корея вакиллари Сеочанг Хонг ва Санхуи Шин тандемига қарши баҳс олиб боришди. 

2 соат 32 дақиқа давом этган ўйинда теннисчиларимиз 7:5, 4:6, 10:5 ҳисобида ғалаба қозонишди ва Универсиаданинг олтин медалини қўлга киритишди. 

Бунгача делегациямиз ҳисобида 4 та бронза медали бор эди.