“Универсиада-2020”: Самарқанд мезбонлик қилган навбатдаги мусобақа якунланди

Аввал хабар берганимиздек, Самарқанд давлат университети қошидаги 2-сон академик лицейи спорт залида ўтказилган мусобақанинг ушбу босқичида 14 та ҳудуддан саралаб олинган 4 та жамоа – Қорақалпоғистон Республикаси, Фарғона вилояти, Тошкент вилояти ва Самарқанд вилояти жамоалари ғолиблик учун кураш олиб борди.

Мусобақа давомида барча рақибларини мағлуб эта олган Тошкент вилояти гандболчи қизлари биринчи ўринни қўлга киритди. Турнирнинг иккинчи поғонаси мезбон – Самарқанд вилояти жамоасига насиб этган бўлса, учинчи ўринни фарғоналик гандболчи қизлар эгаллашди.

Кеча мусобақанинг тантанали ёпилиш маросими бўлиб ўтди. Ғолиб ва совриндорлар ташкилотчилар томонидан муносиб тақдирланишди.

Маълумот учун, ушбу “кичик олимпиада”нинг эркаклар ўртасидаги баҳсларида ҳам Тошкент вилояти гандболчилари ғолибликни қўлга киритган эди.