Университет ва Ўзбекистон хоккей Федерацияси ўртасидаги ҳамкорлик

Университет ректори, профессор Маҳмуджон Болтабаев меҳмонни кутиб олди ва университет фаолияти ва базаси билан таништирди. Баҳодир Ғофуров университет муз саройи қурилиши режалаштирилаётган ҳудуд билан яқиндан танишиб, ўз фикр-мулоҳазаларини билдирди.

Шундан сўнг улар университетда хоккей йўналишида таҳсил олаётган талабалар учун яратилган шароитлар билан танишдилар. Хусусан, университет талабаларини тегишли спорт объектларида тайёргарлик жараёнини ташкил этиш ва малакали мураббийларни жалб этиш масалалари муҳокама қилинди.