Урганчдаги Мудофаа вазири кубогида мезбонлар етакчилик қилишди

Куни кеча икки минтақада ушбу мусобақанинг саралаш баҳслари бўлиб ўтди. Биринчи минтақа баҳсларига Урганч шаҳри мезбонлик қилди. Унда Қорақалпоғистон Республикаси ва Хоразм вилояти дзюдочилари татамига чиқдилар.

Икки кунлик беллашувлар якунида ўз вазн тоифаларида ўғил болалар орасида Абдулла Саъдуллаев (-60 кг, Хоразм), Ширназар Шарифбоев (-66 кг, Хоразм), Жўрабек Абдуллаев (-73 кг, Хоразм), Акбар Комилов (-81 кг, Хоразм) ғолиблик шоҳсупасига кўтарилиш билан бирга мусобақанинг Республика финал босқичига йўлланмани қўлга киритдилар.    

Қизлар ўртасидаги баҳсларда эса бундай имтиёзга Асалхон Шукуруллаева (-48 кг, Хоразм), Жумагул Отажонова (-52 кг, Хоразм), Олияжон Юсупова (-57 кг, Хоразм), Гулзар Хўжанова (-63 кг, Қорақалпоғистон), Шаҳло Эгамберганова (-70 кг, Хоразм) ва Мавлуда Абдуллаева (+78 кг, Хоразм) эга бўлдилар.