US Open-2020 чемпиони ўтган йилги гонорардан салкам миллион доллар кам олади (тўлиқ гонорарлар тақсимоти)

Бу йилги мукофот жамғармаси ўтган сафарги умумий гонорар фондининг 95 фоизини ташкил этади. Яъни, гонорар жамғармаси 5 % қисқариб, 57 миллиондан 53,4 миллион долларга камайтирилди. Бу суммага коронавирус пандемияси сабаб теннисчиларга бериладиган 7,6 миллион доллар ҳам киритилган. 

Шу тариқа, турнирнинг асосий тўр биринчи даврасида иштирок этадиган эркак ва аёл теннисчилар натижадан қатъий назар 61 000 долларлик (ўтган йилгидан 3000 доллар кам) чекни қўлга киритишади. Иккинчи босқич учун 100 000, учинчи даврага 163 000 доллар тайёрлаб қўйилган. Тўртинчи даврага чиққан теннисчилар 250 000 доллар (ўтган йилгидан 30 000 доллар кам), чорак финалга етиб келганлар 425 000 (ўтган йилгидан 75 000 кам), ярим финал - 800 000 (ўтган йилгидан 160 000 кам), финал қатнашчиси - 1,5 миллион (ўтган йилгидан 400 000 кам) гонорарга эга бўлади. Чемпион теннисчи ўз ҳамёнини 3 миллион (ўтган йилгидан 850 000 кам) долларга бойитиб олади.